Firma e omaggio della silloge di poesie "Pinzeri 'nta la carta"

Palermo -Libreria Mercurio- 27 febbraio 2005. Giovanni Mannino, autore della silloge
di poesie"Pinzeri 'nta la carta" firma alcune copie che ha dato in omaggio agli intervenuti.

Buseto Palizzolo, 24.4.2004 -4° concorso di poesia "Carmine Deo"

Giovanni Mannino, 4° classificato per la poesia religiosa

Balestrate, 19.8.2005 -La notte delle muse- Giovanni Mannino,

Michelangelo Di Lorenzo e Vincenzo Aiello rispettivamente 2° class.

Sez. lingua siciliana, 4° class. sez. lingua siciliana e 2° class. sez. lingua italiana

Marineo, settembre 2005 -secondo class. sez. edito in lingua siciliana.



Carini, 22.12.2002 -3° class. sezn dialettale.

Palermo, presentazione libro "Pinzeri 'nta la carta"

Palermo -Libreria Mercurio- 27 febbraio 2005. Presentazione raccolta di Poesi

"Pinzeri 'nta la carta" di Giovanni Mannino.Da sinistra: Adalgisa Giannalia,

Nino Balletti, Giuseppe Bagnasco, Giovanni Mannino e antonino Lo Piparo.

Alcune foto al giardino dei limoni

Bagheria, maggio 2009-Busto in pietra rappresentante

Giovanni Mannino, realizzato da Giovanni Varisco

Il poeta Giovanni Mannino, il suo busto in pietra e lo scultore Giovanni Varisco

Giovanni Mannino e il suo busto in pietra realizzato da Giovanni Varisco


Giovanni Mannino e la sua compagna Adalgisa Giannalia



Giovanni Mannino, Adalgisa Giannalia e Domenico Mannino.

AVIA N'AMICA

AVIA N’AMICA

Avia n’amica
chiamata picciuttanza
cu tempo mi lassò
senza spiranza.

Cci dumannai:
“Pirchì m’abbannunasti ?
T’haju trattatu sempri comu figghia
t’haju tinutu sempri a lu mè latu”.

Idda m’arrispunniu :
“Un t’allarmari “!
“Cu tia ‘un pozzu cchiù stari
t’affidu a nautra pari
ti teni ‘ncumpagnia
fina c’hai ciatu” .

Fidati di sta secunna picciotta
c’è cu la chiama “mmaliditta“
idda è cchiù granni assai di mia
saggizza ti nni po’ ‘nsignari
siddu la pigghi cu filusufia
ti po’ ancora fari cumpagnia.

LU BABALUCI

LU BABALUCI

Chiovi.
M’affacciu davanti la porta
a cu trovu ? Un grossu babaluci.
Cu ‘nvidia lu taliu
ca si trascina tuttu pi d’appressu
e ‘un havi a cuntrastari
nè cu lu cunduminiu
nè cu lu patruni di casa.

Subitu la menti
associa lu pinzeri a me’ cumpari
quannu turnò cchiù pristuliddu di travagghiari
e truvò a so’ muggheri
‘nzemmula all’amicu familiari.
Ddà pi ddà persi lumi e raggiuni
e si misi a fari comu un timpurali.
Vulennucci pinzari riflettu e dicu:
“tu sì ca si’ mudernu caru babaluci
quannu li corna eranu briogna
tu li svintuliavi comu du’ banneri.
Ora puru l’omu s’è mudernizzatu.
Li stissi corna ca ‘na vota
copunavanu l’omu di briogna
oggi ‘un portanu cchiù lu stissu pisu”.

TUTTU A POSTU

TUTTU A POSTU

Spissu mi succedi
ca quannu ‘ncuntru ‘n’ amicu
m’addumanna: “Comu va”?
Iu cci rispunnu: “Tuttu a postu”.

Cu sta rispostra ca cci dugnu
Ddà pi ddà
pari ca m’alliggirissiru li pinzeri.

Appena l’amicu s’alluntana
subbitu m’addugnu
ca senza lu so’ vuliri
mi detti ciusciuna ‘nta lu cori
unni svampanu braceri di focu
ca ‘un pozzu astutari.

Poi ‘ntra mia e mia mi ‘ncuraggiu
pinzannu ca strata facennu
qualchi malu pinzeri lu vaju lassannu
ma ‘un mi votu nnarreri
pi lu scantu
ca chiddu ca rinesciu
a siminari pi la strata
mi po’ turnari ‘n menti.

Chiddu ca ‘un rinesciu a siminari pi la strata
mi strinci lu pettu cu grossi catinazzi
mentri li chiavi di la spiranza
si persiru ‘nfunnu lu mari.

Notti e ghiornu mi rivotu
circannu di spirugghiari
marreddi di pinzeri ‘mpirugghiati
mentri lu mè cori
strittu e ‘nguttumatu
resta mutu.

SPINNURI

SPLINNURI

Siddu sta terra arristassi a lu scuru
bastassiru l’occhi to’ pi ‘lluminarla.

Siddu stu munnu fussi scuntentu
bastassi lu to’ surrisu pi ralligrallu.

Siddu la me’ stidda vantassi biddizzi
li to’ biddizzi la facissiru ammucciari

Siddu ‘un fussi pi tia ca mi duni ciatu
a st’ura lu me’ cori fussi mortu.

Altofonte, 9.8.2007 - Casa Marfia

QUANNU ME' NANNU

QUANNU ME’ NANNU

Quannu me’ nannu mi dissi
ca lu vinu si po’ fari puru cu la racina
mi vinni ‘na granni smania
di cultivari la vigna.

Quantu travagghiu prima di la vinnigna!
putari, zappari, ‘mpupari
e pi furtuna
ca ‘un la pigghiò la farinedda.

Granni festa cci fu pi la vinnigna
canti curali e sbriu ‘n famigghia
manciannu sardi salati e murtadella.

Poi ballamu ‘nta la tina
pi scafazzari la racina
purtannu lu mustu a la cantina.

Nuddu ti vattiò sucu di racina
e tastannu tastannu lu liveddu scinnia
futtennuminni siddu la vutti
‘un era cchiù china.

Mentri allitratu trabballavu
facennu un passu avanti e du’ nnarreri
mi vinni ‘n menti un dettu paisanu...
e allungannu lu vrazzu cu la chiavi ‘n manu
‘ntra mia e mia dissi:
“Siddu è veru ca lu munnu gira
la me’ casa havi a passari di ccà”.

INNO... ALLA DONNA

INNO... ALLA DONNA

Benedetto sia
colui che ti ha Creata.
Amore che dà vita
tepore nella casa.
Occhi splendenti
come le stelle in cielo.
Dio che ti ha Creata
gioisce per la tua bellezza.

L’ambizione in te
è un grande dono.
E !... Non è tutto.
Sfiorare la tua pelle
è poesia
mi fa venire
i brividi più belli.

Talento a te ha dato
il Creatore.
E’… mi sta bene
anche quella furbizia
in te innata.

Visto che la vita
è un’ elisir d’amore
sappiamo stare insieme
in armonia
lasciando far la guerra
a chi non è poeta.

Nascita di un bimbo e Lei se la ride

NASCITA DI UN BIMBO

Era già l’undici maggio
quando ero bello e stufato
di stare rannicchiato.
Mi sono detto a tarda sera:
“Se l’ostetrica consente
mi affaccio a questo mondo
per conoscere i parenti.”

Ma appena affacciato
ch’è successo non ti dico!..
Con tre spinte vengo fuori
chi ti trovo ad aspettare?...
La parente più crudele
che senza tanta finzione
mi ha sospeso per un piede
e due schiaffi sul sedere.

Io le dissi: “non sono modi
di trattare un neonato
mi rivolgo al sindacato
del bambino appena nato.
Ora andate tutti via
voglio solo a mamma mia”.

LEI SE LA RIDE

Amo chi risponde
quando chiamo.
Ad un sorriso
sempre io m’inchino
se fatto da donna
che sa essere gentile
ch’è sempre risoluta
all’oscuro umore.

Al suo sguardo
non so essere lupo
ma mansueto agnello
e lei se la ride
perchè ha già ammaliato
il mio cuore.

Scultura Egizia

Egizia - pietra arenaria cm. 17 x 14

Scultura - Leone

Leone - pietra sedimentaria cm. 8x16

Giovanni Mannino, il suo busto e lo scultore Giovanni Varisco

SCICCAREDDU

SCICCAREDDU

Paratu comu t’avissi a maritari
porti armiggi, giumma e cianciani
di la provenna ‘un nni lassi nenti
spissu iu cummogghiu li tò ‘mbrogghi.

Ti vantu comi fussi figghiu
lu jazzu ti lu conzo cu la pagghia
ogni matina fazzu brusca e striglia
e tu prutesti cu lu Sinnacatu Arragghia.

Vurrissi tu campari a li me’ spaddi!
cantannu di l’alba a lu tramuntu
dda canzunedda di ‘na sula vucali
ca ripeti sempri A…A… sfiatannu pari.

Nascisti sceccu pi mangiari pagghia
e tirari lu carrettu senza scarru.
Attentu sceccu miu ‘nzoccu ti pigghia
ca chista è strata ca spissu ‘un spunta.

SE LE STELLE

SE LE STELLE

Se le stelle del firmamento
brillassero come i tuoi occhi
la terra sarebbe illuminata
anche di notte.

Se tu correresti
per sconfinati orizzonti
ti correrei dietro
per non lasciarti mai.

Se il mondo sorridesse
con il tuo dolce sorriso
l’odio sarebbe sconfitto.

Se il tuo cuore si stancasse
del mio volerti bene
ancor più follemente ti amerei.

La poesia è stata tradotta in lingua siciliana e musicata dal M/o Fanico

Cantata da Paola Di Lorenzo e Fabio Nicosia

L'ANGOLO DEL POETA

Alcuni premi

RINGRAZIU DIU

RINGRAZIU DIU

Lentu scinni e splenni
lu suli a lu tramuntu
tincennu russu curaddu l’orizzunti.

Mentri lu ventu fa un pinnicuni
aracio araciu scini lu sirenu.

Darreri la muntagna
la luna quasi china
si spiccia a spuntari
pi cancillari la russia sulari
e tinciri d’argentu terra e mari.

L’aceddi di qualsiasi culuri
cercanu riparu
puru sutta li pampini di limiuna
ca mittennu la testa sutta l’ali
sonnanu d’aviri vita puru dumani.

Mentri la notti curri
e lu jornu prestu veni
ringraziu Diu
ca puru oggi sugnu pedi pedi.

Raduno poetico Sikania 2003

ph Mariella Buglisi

Segesta (TP) Giovanni Mannino in occasione del 6° raduno poetico Sikania 2003

NOTE SUL POETA

NOTE SUL POETA IRONICO SICULO DIALETTALE.

Nasce a Carini nel 1937 e vive a Bagheria. Nel 2001 diventa socio del Circolo Culturale
"Giacomo Giardina" di Bagheria. Si afferma nella poesia e nei componimenti di canzoni in dialetto siciliano. Nel 2005 ha pubblicato una silloge di poesie "Pinzeri 'nta la carta" nel 2003, seguito nel 2006 da una seconda silloge "Pinzannu Pinzannu". Ha partecipato a vari concorsi letterari piazzandosi con merito ai primi posti in varie occasioni sia con le canzoni che con la poesia. Al momento è vice segretario e fa parte del Direttivo e dell'Ufficio di presidenza del Circolo Culturale "Giacomo Giardina. Nel 2005 riceve la nomina di "Accademico" dall'Accademia Internazionale "Il Convivio" di Castiglione di Sicilia.

PUETA JURNATERI

PUETA JURNATERI

Quannu a lu pueta jurnateri
cci veni l’ispirazioni
s’assetta ‘nto ‘n vattali
e posa a lu so’ latu lu zappuni.

Siddu ‘un havi pinna
scrivi li so’ versi
puru cu ‘n pezzu di carbuni.

Lu patruni, ca si vidi la scena
pi cincu, deci, quindici minuti
lu lassa fari
ma no a ghiurnati sani !…

‘Un sennu du (misteri)
‘un sapi ca lu pueta
siddu ritarda la scrittura
perdi versi, paroli e rima.

Vistu ca la cosa è sempri cchiù cuntinua
lu patruni dici a lu jurnateri:
“Quannu veni cca a travagghiari
lassa a la to’ casa pinna e cartularu.
Stu scrittu... ca tu chiami puisia
fallu quannu sì’ schiffaratu
‘un rumpiri li sacchetti a mia”.

LU PURRETTU

LU PURRETTU

Avia un purrettu
‘nta la mascidda dritta
ca ogni vota ca lu livavu
iddu puntualmenti rispuntava.

Un ghiornu mi vinni ‘nta la menti
di ricuvirarimi di prescia a lu spitali
pi farimi la plastica facciali.
Lu dutturi ca mi visitò mi dissi:
“Chistu è nenti”!
Haju a fari lu ‘nnestu
cu la tò stessa peddi.
Ma ‘un mi dissi
d’unni l’avia a pigghiari
sta biniditta peddi.

‘Nta lu mumentu
ca m’avia a tagghiari
mi ‘ntisi tuccari lu darreri.
P’istintu mi rintisi
spustannu lu darreri appena avanti .
“Statti fermu”! mi dissi lu dutturi
“la peddi haju a pigghiari
pi lu ‘nnestu putiri fari”.

Ddà pi ddà fici un gran pinzari
e ‘ntra mia e mia dissi:
“Chistu mi voli ruvinari
scanciannu la me’ facci pi lu mè darreri”.

“M’havi a scusari” cci dissi a lu dutturi:
“Facissi tuttu chiddu ca voli fari
ma la facci di culu NO !
La facci di culu ‘un mi l’havi a fari”.

SENZA SPIRANZA

SENZA SPIRANZA

…Sì ! E’ comu dici tu fratuzzu miu.
Lu munnu gira sì ma contru senzu
all’omu l’arridduci comu sanza
lu spremi e misu puru a lu straventu
l’assicca senza daricci spiranza
di truvarisi nautra vota ‘nta casedda.
A tuttu chistu l’omu ‘un cci penza
e ‘ntempu ca s’arrisetta
‘un s’adduna ca la lenza tira.
Jennu all’autru munnu chi cci accanza?
sulu ‘na bona o ‘na malacrianza.
La vita è vita e sì va rispittata.
Pirchì lu munnu ‘un gira pi l’autru versu ?
Siddu l’omu campassi triccent’anni
allura sì ca reggiri la cannila avissi sensu.

CUZZIANNU CUZZIANNU

“LE COZZE DI GIOVANNI VARISCO”
------------
CUZZIANNU CUZZIANNU

Niuri comu la pici
cu la porta a vanedda
d’unni s’affaccianu
comu principissi
vistuti russu curaddu.

‘Nzocch’è ca cci mittisti!
cocu di gran talentu
pueta di cucina
ca cu trasi ccà
nesci cu la panza china.

‘Un è un cumplimentu
ma divina viritati
Variscu sì’ lu Re
lu Re di li pignati.

LU PATTU

LU PATTU

Siddu nascissi arreri ‘nta stu munnu
un pattu avissi a fari cu lu Patri Eternu
campari picca ma campari cuntentu
campari riccu e senza tribuliari.

Ddu picca c’avissi a stari ‘nta sta terra
avissi a passarimillu qualchi piacireddu
pi stari a la pari cu l’autri murtali.
Rimittennu peri all’autru munnu
putissi diri : “Murivi cuntentu”.

Vulennucci pinzari :
“campari filici o campari scuntentu”
nuddu voli jri all’autru munnu.
Sai ‘nzoccu ti dicu !:
Mi godu chiddu
ca oggi passa lu guvernu
ca pi l’autru munnu
stu pattu cu lu Patri Eternu
sugnu ‘ntempu a fari.

LU 'NNEATU

LU ‘NNESTU

Pari ‘na cosa stùpita
si cci penzu,
antica quantu Diu
la potti fari.

Tagghia ‘n’arbuliddu,
cci fai ‘na ‘ntacca verticali,
cci metti un pizzuddu di lignu virdi
e lu siggilli cu la catrami.

Si chiama ‘nnestu
ca s’è fattu rigulari
iddu, frutti rari sapi fari.

Lu primu ‘nnestu
lu fici lu Signuri,
quannu staccò
‘na costulidda d’Adamu.

‘Mpastò t’anticchia di crita,
cci misi la costulidda
e la misi a lu suli.

Stu ‘nnestu sulu Diu
lu potti fari.
Fici lu fruttu
pi l’omu amari.

Cu stu travagghiu,
la fimmina nascìu,
la fici tutta curvi
‘na cosa spittaculari.

Cu la primura,
‘na cosa lu Signuri
si scurdò a fari,
li pila ‘nta la lingua
pi chiù picca parrari.

Notte d'estate

Alia (PA) 5 ottobre 2008
II^ classificato con la poesia
"Notte d'estate"


NOTTE D’ESTATE

Afosa scorre la notte
occhi socchiusi
petto scoperto
supino riposo sul letto.

Una zanzara
ronza all’orecchio
scrollo la testa
si sposta
mi punge sul petto.

Accendo la luce
già ronza al soffitto.
Le tiro un cuscino
Ritorna, mi sfida.
Le tiro una scarpa
sbaglio la mira
che botta!.. che schianto!...
Ho rotto lo specchio.

Mi armo d’un pezzo di straccio
con gli occhi sbarrati, l’aspetto.
Non odo respiro
silenzio perfetto
è sparito nell’aria
quel piccolo insetto.

Mi guardo ad un pezzo di specchio
sorrido, rifletto:
“che danno che ho fatto
era solo un invisibile insetto”.
Se ti prendo!
Ti strozzo, ti smonto, ti schiaccio.
SE…TI… PRENDO!...

LU CURDARU

LU CURDARU

Da qualchi tempu a sta parti
vaju ‘nnarreri ‘nnarreri
comu lu curdaru.
Lu jornu curru curru e m’arripigghiu
poi m’arruzzuliu comu lu scravagghiu.

La sira quannu mi vajù a curcari pi truvari risettu
li pinzeri abbunnanu ‘nta l’occhiu di la menti
comu carteddi di filu ‘impirugghiatu.
S’incontranu e si scontranu comu dù cati
attaccati all‘estremità di la stissa corda
ca ‘nta lu puzzu fannu acchiana e scinni.

Poi comu pi ‘ncantu
la currula si ferma
e grazzi a Diu
cercu di pigghiari sonnu.

M’addummisciu ‘nnariu ‘nnariu
quasi comu essiri vigghianti.
Mentri li pinzeri
ca parianu arrisittati ‘nta la menti
ritornanu a trippiari
comu cunigghia a la campìa.