RINGRAZIU DIU
Lentu scinni e splenni
lu suli a lu tramuntu
tincennu russu curaddu l’orizzunti.
Mentri lu ventu fa un pinnicuni
aracio araciu scini lu sirenu.
Darreri la muntagna
la luna quasi china
si spiccia a spuntari
pi cancillari la russia sulari
e tinciri d’argentu terra e mari.
L’aceddi di qualsiasi culuri
cercanu riparu
puru sutta li pampini di limiuna
ca mittennu la testa sutta l’ali
sonnanu d’aviri vita puru dumani.
Mentri la notti curri
e lu jornu prestu veni
ringraziu Diu
ca puru oggi sugnu pedi pedi.
Iscriviti a:
Commenti sul post (Atom)
Nessun commento:
Posta un commento